金鳳大餐廳

营业中

休息中

怀旧扒房餐厅🌸细个𠮶阵因为穷好少去扒房餐厅食锯扒，可能讲紧几年先食到一次，到大个咗终于可以有机会试吓小时候嘅味道🩷金凤呢个名听得多，但都系第一次试呢间餐厅，装修格局非常经典，好似进入咗旧香港时代，今次就试吓佢嘅午市套餐先，价钱合理，份量都足够🍴~套餐配有餐汤、餐包及餐饮🫶包系好松软，涂上牛油，暖暖地超级好味😋罗宋汤就好足料有好多蔬菜，酸味岩岩好，味道浓郁 🍜牛柳餐🍖拣佐黑椒汁，以传统铁板上，仲有一堆薯条同伴菜喺底，但系d薯条就淋哂，同埋好细条，牛柳煎得刚好，肉质都算嫩，虽然见到有啲人话呢间餐厅服务态度唔好，但咁啱服务我嘅侍应几贴 心，佢会比张大纸巾我喺佢临上酱汁前可以遮住，避免弹到周围都系，另外亦因为二人餐桌比 较细，佢又会同我重新摆盘，超级细心!~吉列猪扒餐 🍖猪扒肉质比牛扒仲嫩，外脆内软，配一条司华力肠~值得推介~