影片
更多
2021-04-03
135 浏览
间唔中就会想去旧式扒房, 不过来来去去都系去个一两间, 朋友推介系佢屋企附近有间扒房好抵食, 系佢屋企打完牌就一行4人去医肚~ 虽然系楼上餐厅, 但系系老远都见到大大个肉肉强食招牌, 餐厅面积好大, 占哂全层仲分开左两边厅, 有落地大玻璃, 卡位十分阔落, 整体感觉有空间感够开扬。餐厅既枱用上充满怀旧感的红白格仔枱布, 播住80年代既歌, 随住客人渐多, 店员来来去去送餐, 不断听到滋滋喳喳作响既铁板声, 住部野加埋一齐, 好似去番细细个屋企人带去扒房锯扒既感觉~~~一睇MENU之下发觉依度同出面最唔同既地方, 系佢大大只字标明"不采用松肉粉及食粉腌制肉类", 应该冇乜平民扒房够胆咁样写出黎, 真系未食就要比个劲字佢。 罗宋汤+餐饱所有既扒 +$18即可转成扒餐, 港式扒点可以冇罗宋汤同餐饱, 转餐是常识吧!! 罗宋汤有好多蔬菜系入面, 足料自然味道浓郁。牛油餐饱系热而且软熟既, 收货!比目鱼扒比目鱼肉质保持到滑嫩口感又唔会松散, 鱼味重一D腥味都冇, 贴住铁板煎一煎表面变成少少金黄更加香口更好食!纽西兰西冷牛扒大大件既西冷牛扒连块板都差D唔够位摆, 因为好在意佢句不采用松肉粉, 所
虽然系楼上餐厅, 但系系老远都见到大大个肉肉强食招牌, 餐厅面积好大, 占哂全层仲分开左两边厅, 有落地大玻璃, 卡位十分阔落, 整体感觉有空间感够开扬。餐厅既枱用上充满怀旧感的红白格仔枱布, 播住80年代既歌, 随住客人渐多, 店员来来去去送餐, 不断听到滋滋喳喳作响既铁板声, 住部野加埋一齐, 好似去番细细个屋企人带去扒房锯扒既感觉~~~
一睇MENU之下发觉依度同出面最唔同既地方, 系佢大大只字标明"不采用松肉粉及食粉腌制肉类", 应该冇乜平民扒房够胆咁样写出黎, 真系未食就要比个劲字佢。罗宋汤+餐饱
所有既扒 +$18即可转成扒餐, 港式扒点可以冇罗宋汤同餐饱, 转餐是常识吧!! 罗宋汤有好多蔬菜系入面, 足料自然味道浓郁。牛油餐饱系热而且软熟既, 收货!
比目鱼扒比目鱼肉质保持到滑嫩口感又唔会松散, 鱼味重一D腥味都冇, 贴住铁板煎一煎表面变成少少金黄更加香口更好食!
纽西兰西冷牛扒大大件既西冷牛扒连块板都差D唔够位摆, 因为好在意佢句不采用松肉粉, 所以特别期待牛扒肉质, 切落去既时候系软腍, 入口果然腍得黎仍保持到肉感既咬口!! 而肉味亦重, 要知道用松肉粉既牛味会"那"到冇哂, 真系一食就知确实系有分别。另外想赞下佢既黑椒汁, 够香辣浓味, 无论点肉定点薯条都好好食。
吉烈猪柳 (限量!!!)没有最抵, 只有更抵系列!!! 铁板吉烈猪柳只系$20, 今时今曰$20连买杯珍奶都唔得, 而且配菜粟米同西兰花等一样比得咁足, 两件猪柳好香口外层脆卜卜, 肉质有咬口又唔会炸到干争争, 配上既蒜蓉汁仲要加左一堆蒜蓉系面(有D餐厅要加钱架!!) 每日限量50份, 手快有手慢冇呀!!
手打牛肉汉堡手打牛肉汉堡份量同佢既铁板系列一样好有睇头, 即叫即做, 汉堡包皮加左牛油烘烤过有焦香又带脆, 汉堡扒厚身大块, 手打肉质感实净带弹牙, 生熟度岩岩好, 牛味香而且系JUICY架! 加埋芝士, 蕃茄同埋紫椰菜生菜等, 绝对唔会输比出面麦卖BURGER店。
最后仲有儿时回忆花奶啫喱!!!!好耐无食过啦!!!一样咁好味, 回忆番哂黎
最后饮埋餐饮, 卖单时先发觉没有最抵, 只有更抵系列2, 餐厅系唔收加一服务费, 我同朋友都食到好满足, CP极高, 一定会再次帮衬~~
张贴
