荔香園冰室 (已結業)

去旺角做facial又顺便去附近揾食，见到呢间装修几特别好怀旧，朋友又话想食西多😂，所以就去左试。因为时间尚早所以都无咩人，可以坐卡位🖖。🔅澳门特级猪扒菠萝包 ($42)菠萝包层牛油皮好脆，包唔会太厚，夹住2块猪扒，要厚到要拎走块猪扒分开食先得🤣。加埋少少菜同生洋葱，好爽口，汁就甜甜地，食完个包其实都饱饱地🙈。🔅瑞士巨脾配薯条 ($42)平时好钟意食瑞士汁鸡脾，配埋薯条好满足😎。鸡脾唔算好大只但都几入味，薯条份量都几多，都炸到好脆。🔅芝士流心厚西多士 ($38)西多士一拎到黎已经闻到好香！夹左2层芝士，虽然未过好流心，不过几浓芝士味，又唔算好腻，收货！。🔅全日早午餐 ($68)冰室版all day breakfast都好丰富，鸡扒都大大块，又有火腿滑蛋肠等等，份量都几多又唔算贵。🔅Oreo朱古力朱古力都几大杯，面头都有唔少oreo碎，不过记得捞匀先饮💛。💬Menu选择都几多，价钱唔算贵，上菜速度都几快，舖头仲会播好多旧歌😂，好想带老豆黎食🤣 🤣。