金和記海鮮菜館

营业中

休息中

今晚朋友带我黎左呢度打边炉好有特色，使用炭火食火锅真系第一次食，感觉好地道港式怀旧风味，用炭炉打边炉一路食仲闻到阵阵炭香味。花雕醉鸡锅汤底拣咗花雕醉鸡锅，上枱时已经闻到好香浓花雕酒香，鸡件肉质鲜嫩好滑，饮左几啖汤头暖身又暖胃，汤底完全不油腻，鲜鸡味加上香浓花雕酒香，最后我饮咗3碗汤。手打鲜虾滑 用鲜虾打到起晒胶，啖啖新鲜虾肉好弹牙，调味方面恰到好处。听职员讲呢度嘅海鲜都系每日新鲜来货，不会摆过夜👍🏻订位时可以提早一日预先留定海鲜，咁就可以食到自己想食嘅海鲜，无特别预留当日都有海鲜供应，同埋可以Whatsapp留定火锅煲安排餐厅起定，咁来到即刻滚即刻食。值得一赞呢度嘅店员服务周到，好热情招待，上菜有效率。