影片
更多
2011-07-21
13 浏览
首先，极端o既评语我觉得唔需要尽信，人人既 expectation 都唔同～ 亚士厘道哩间花园餐厅可能位置比较偏少少，所以次次去都唔系好多人，第一次去o个阵都惊唔系好野，但发觉都唔差，地方又大又易揾位，最正系成日都有窗口卡位坐！ 而且以扒房嚟讲佢地既抽气算唔错，好多其它扒房烟雾弥漫好似地下赌档咁，食完成身一阵烧烤除，哩间反而无咁既情况，做得几好～ 我最钟意佢地既黑椒牛柳餐，两大块扒连餐汤餐包够食有凸～餐包虽然系行货，但至少叮番暖暖地温度岩岩好～ 有 D 地方唔系冻既就系叮到超热，一系 D 水气搞到个包”淋“晒，佢地刚好～罗宋汤好多料，我最钟意多野食既罗宋汤 汤味都够浓又唔太酸又唔系太辣，唔错～ 唔似得有 D 餐厅个红汤一唔系好辣就好稀或者好少蔬菜，有 D 落好多柠檬搞到酸味抢晒～ 个牛柳真系好大份！ 仲要有两块！ 唔系好多地方哩个价钱俾到两块咁大既牛柳你 (记住讲紧系牛柳涡，唔系 T 骨唔系西冷) 仲要铁板上；牛柳当然系够”淋“身但又唔系用 D 松肉粉“喇”到无晒牛肉味o个只；我食开好熟我叫 7 成既 (我个人认为牛扒食生过 5 成咁不如食牛刺身)，佢地都岩岩好，哩度既牛柳的确系唔错
亚士厘道哩间花园餐厅可能位置比较偏少少，所以次次去都唔系好多人，第一次去o个阵都惊唔系好野，但发觉都唔差，地方又大又易揾位，最正系成日都有窗口卡位坐！ 而且以扒房嚟讲佢地既抽气算唔错，好多其它扒房烟雾弥漫好似地下赌档咁，食完成身一阵烧烤除，哩间反而无咁既情况，做得几好～
我最钟意佢地既黑椒牛柳餐，两大块扒连餐汤餐包够食有凸～
餐包虽然系行货，但至少叮番暖暖地温度岩岩好～ 有 D 地方唔系冻既就系叮到超热，一系 D 水气搞到个包”淋“晒，佢地刚好～
罗宋汤好多料，我最钟意多野食既罗宋汤 汤味都够浓又唔太酸又唔系太辣，唔错～ 唔似得有 D 餐厅个红汤一唔系好辣就好稀或者好少蔬菜，有 D 落好多柠檬搞到酸味抢晒～
个牛柳真系好大份！ 仲要有两块！ 唔系好多地方哩个价钱俾到两块咁大既牛柳你 (记住讲紧系牛柳涡，唔系 T 骨唔系西冷) 仲要铁板上；牛柳当然系够”淋“身但又唔系用 D 松肉粉“喇”到无晒牛肉味o个只；我食开好熟我叫 7 成既 (我个人认为牛扒食生过 5 成咁不如食牛刺身)，佢地都岩岩好，哩度既牛柳的确系唔错～ 唯一系个黑椒汁唔系好够辣，有黑椒香但唔够浓，可以再重手少少～ 但佢地既汁系一个细金属桶装住，你想加汁，伙计可以随时过嚟加俾你～
配菜就唔好要求太多，块铁板唔系好大块，所以 D 粗薯条垫扒底之后就俾 D 汁整“淋”晒，但铁板餐就系咁，牛扒咁大块都几乎唔够位摆仲想点？ 仲有棵小棠菜添！港式扒餐就系咁奇趣～ 不过香港人如果要挑剔 D 配菜的话，不如自己检讨吓点解咁多人浪费晒 D 配菜唔食？ 人地做饮食见 D 客日日浪费咁多配菜，人地仲点会有心落咁好料俾你地o徙？ 你唔欣赏，人地就唔会落本落去，哩个系双向既矛盾，都系源于香港人浪费食物既陋习～ 就算 D 薯条炸到好金黄好靓外脆内软又够薯仔味再分开上，我敢讲一定都会有人弹三弹四，唔系就成份摆番响度唔食又话饱又话肥又剩... 你睇香港人食自助餐o个副德性就知～
虽然服务方面唔会令你觉得自己好尊贵，但港式扒房而言，以我个人经验嚟讲系唔差，至少一举手 D 伙计好快就有反应，都未试过上错菜，伙计态度唔系话好差，不过不失咁啦～ 如果俾少少钱就觉得自己系大老细，咁既态度去到边度食都唔会开心，更唔会特别受到礼遇～ 话虽然人地系做服务性行业，但态度既野都系双向既，个客宽容少少，D 伙计态度都会好 D，至少以我个人经验嚟讲哩个世界就系咁～
张贴
