影片
更多
2020-04-07
72 浏览
元札幌拉面，作为地道嘅港式日本菜，冇错，系地道嘅港式日本菜，佢已经做到佢的极限。虽然佢系标榜拉面，但佢都有唔少其他野食－－正正就是港式茶餐厅的感觉，所有日本野都可以系一间铺食晒。甫入餐厅，我feel到了，系90年代的香港。记得当时拉面刚引入到香港，日本人看待拉面就好似香港人看待云吞面，估唔到当曷拉面黎到香港可以卖得咁贵。而家，靓少少既拉面冇150蚊都落唔到楼了。望住餐牌，的确有90年代的感觉，我指的系价钱：呢个价位的拉面，香港除了味千，我谂都绝无仅有了。我叫咗个鳗鱼饭，咁d饭有d鳗鱼，就98蚊仲包埋沙律呀茶碗蒸呀汤呀咁（个茶碗蒸我比几高评价）鳗鱼食到少少骨，但都几大条。之后仲叫了d小吃：豆腐炸得好好，个汁亦恰如其分，努力咁托住个豆腐。另外都叫了蕃薯仔同鸡软骨，鸡软骨有少少硬。入到呢间餐厅，时间好似返返去90年代咁，望住个种符号堆砌既红灯笼，用文字艺术师整出黎既餐牌，个种感觉就好似你而家去尖东个个喷水池咁，无论而家系2020定2047，呢间餐厅，同尖东一样，凝住时间，好似一个异托邦咁。你问我90年代好唔好，我答你唔到，但2020的香港，的确好差，而且还未见到底，我地呢d呀叔，做唔到d咩，
元札幌拉面，作为地道嘅港式日本菜，冇错，系地道嘅港式日本菜，佢已经做到佢的极限。虽然佢系标榜拉面，但佢都有唔少其他野食－－正正就是港式茶餐厅的感觉，所有日本野都可以系一间铺食晒。
甫入餐厅，我feel到了，系90年代的香港。记得当时拉面刚引入到香港，日本人看待拉面就好似香港人看待云吞面，估唔到当曷拉面黎到香港可以卖得咁贵。而家，靓少少既拉面冇150蚊都落唔到楼了。
望住餐牌，的确有90年代的感觉，我指的系价钱：
呢个价位的拉面，香港除了味千，我谂都绝无仅有了。
我叫咗个鳗鱼饭，咁d饭有d鳗鱼，就98蚊
仲包埋沙律呀茶碗蒸呀汤呀咁（个茶碗蒸我比几高评价）
鳗鱼食到少少骨，但都几大条。
之后仲叫了d小吃：
豆腐炸得好好，个汁亦恰如其分，努力咁托住个豆腐。
另外都叫了蕃薯仔同鸡软骨，鸡软骨有少少硬。
入到呢间餐厅，时间好似返返去90年代咁，望住个种符号堆砌既红灯笼，用文字艺术师整出黎既餐牌，
个种感觉就好似你而家去尖东个个喷水池咁，
无论而家系2020定2047，呢间餐厅，同尖东一样，凝住时间，好似一个异托邦咁。
你问我90年代好唔好，我答你唔到，但2020的香港，的确好差，而且还未见到底，
我地呢d呀叔，做唔到d咩，只好尽量出街帮衬多d想支持既商铺，唔求将时间静止，但求拖延几耐得几耐。
张贴
