影片
更多
2020-10-30
256 浏览
《101肉燥饭专门店》话说呢间连锁店系我同事好钟意lunchtime帮大家叫外卖既一间黄店😂佢每次叫101外卖，都拣「三杯鸡饭，士多啤梨奶」，风雨不改。所以带饭番工既我都被佢既坚持打动，试过呢个组合，系真系几好食，尤其个士多啤梨奶几高汁😍然后有次同钟意台湾菜既🐢经过尖沙咀，就决定堂食呢间帮衬过好几次外卖既黄店！难得叫堂食，紧系叫d平时外卖叫唔到既野！我地拣左Deluxe set $208~（set for 2)前菜有凯撒沙律+香草芝士玉子豆腐。先讲沙律，佢系非常大碟，岩哂我地2个钟意食菜既人～上面淋既芝麻酱份量岩岩好，够遮草青味之余保留到fresh既感觉～香草芝士玉子豆腐系极度惊艳，系我成餐最钟意既一道菜😍佢既豆腐外皮层粉好薄，但炸得好香脆～一咬落去入面既豆腐热辣辣，配埋好香既芝士酱（佢系淡味既芝士，唔会好浓好重口），系好 match好好味😍大推荐小食有得8选1，我地拣左盐酥鸡块（大）。无确实数有几多旧，但份量足够2人过足口瘾😳d鸡炸得好脆，个粉皮都唔会好厚，咬到啖啖鸡肉。外层洒既孜然粉好衬个味，呢个都出色同推荐。主菜有得6选2，我地其中一个拣左香茅猪扒热石铁板烧（配芝士捞日本稻亭乌冬
话说呢间连锁店系我同事好钟意lunchtime帮大家叫外卖既一间黄店😂佢每次叫101外卖，都拣「三杯鸡饭，士多啤梨奶」，风雨不改。所以带饭番工既我都被佢既坚持打动，试过呢个组合，系真系几好食，尤其个士多啤梨奶几高汁😍然后有次同钟意台湾菜既🐢经过尖沙咀，就决定堂食呢间帮衬过好几次外卖既黄店！
难得叫堂食，紧系叫d平时外卖叫唔到既野！我地拣左Deluxe set $208~（set for 2)
前菜有凯撒沙律+香草芝士玉子豆腐。
先讲沙律，佢系非常大碟，岩哂我地2个钟意食菜既人～上面淋既芝麻酱份量岩岩好，够遮草青味之余保留到fresh既感觉～香草芝士玉子豆腐系极度惊艳，系我成餐最钟意既一道菜😍佢既豆腐外皮层粉好薄，但炸得好香脆～一咬落去入面既豆腐热辣辣，配埋好香既芝士酱（佢系淡味既芝士，唔会好浓好重口），系好 match好好味😍大推荐
小食有得8选1，我地拣左盐酥鸡块（大）。无确实数有几多旧，但份量足够2人过足口瘾😳d鸡炸得好脆，个粉皮都唔会好厚，咬到啖啖鸡肉。外层洒既孜然粉好衬个味，呢个都出色同推荐。
主菜有得6选2，我地其中一个拣左香茅猪扒热石铁板烧（配芝士捞日本稻亭乌冬）。个猪扒系大块既，都几松软同好味～我几欣赏佢有ok多配菜（有椰菜，红萝卜同粟米），可以中和下d汁既咸味，因为我对佢既印象系个汁比较咸，头几啖系几好味，但可能铁板上后尾仲「jar jar」紧蒸发哂d水😂临尾系真系咸左D~另外佢既薯角都ok, 不过唔会话好脆。个芝士乌冬既芝士酱系头先豆腐个种酱料😳食落唔会好heavy，其实几好食（而我尤其喜欢个弹牙乌冬）～
另外一款我地拣左无骨香辣三杯鸡热石铁板烧（配肉燥芝士燥疯薯）。同样问题啦都系个汁太咸（虽然呢个无猪扒个款咁咸）。个三杯鸡同平时食既外卖味道系一样既，不过d汁令佢热d同咸d~我觉得呢个都接受到～配菜同上面一样，不过多左好多有肉燥既薯角（疯薯）。虽然佢既薯角系好味，肉燥都好味，但捞埋一齐再配个比较咸既汁，令到件事好咸😂建议大家叫钟板餐唔好拣疯薯。
饮品方面，我地一杯拣左跟餐配既爱文芒果汁。个芒果汁味好浓，但有少少假，我觉得一般（士多啤梨奶正d啫～）。另外一杯我地+10蚊叫个盆裁特浓朱古力珍珠～要加钱果然唔同d, 卖相好靓，朱古力好香浓，珍珠都几弹牙，呢个都大推荐～
Overall 黎讲，我觉得呢间餐厅既前菜同小食系非常出色！真系好值得叫黎食，佢d饮品我都好钟意😳我会再食呢间餐厅但唔会再叫Deluxe set因为个铁板餐真系比较咸，叫番经典肉燥饭一样好味咁话～
张贴