珠記

营业中

休息中

占香港三分一海鲜鱼获嘅香港仔，承载住香港嘅捕渔业发展。今次嚟到香港仔海旁对面嘅鸭脷洲，除咗附近嘅休憩设施同以往有大不同，随住港铁站嘅落成亦都为该区带嚟唔少嘅人流。而鸭脷洲熟食中心入面，则有两间屹立多年嘅海鲜大牌档。而今次要介绍嘅就系珠记。椒盐鲜鱿椒盐鲜鱿可以话系港式大牌档嘅代表作之一，但要好食亦一啲都唔容易。而呢碟椒盐鲜鱿亦系上佳之作，除咗上碟一啲都唔油腻之外，食落亦都非常脆口同爽身，证明新鲜程度十足。再加上酸甜嘅酱汁，简直系令人胃口大开。配合枝装啤酒实在一流。唯一系椒盐味略嫌不足，层次感稍稍欠奉。砵仔焗鱼肠砵仔焗鱼肠可以话系买少见少嘅海鲜大牌档手工菜，而过往大部份试过嘅大牌档都唔系有太多可以整到出色嘅焗鱼肠。而珠记嘅砵仔焗鱼肠可以话系十分出色，可以话系失传之作。鱼肠食落啖啖足料，有齐鲩鱼肠、鱼肝、鸡蛋、陈皮、芫荽、粉丝、同埋最重要嘅「油炸鬼」！加上胡椒粉调味，无论系送饭还是当做小食都非常满足。菜远炒牛肉呢一味看似简单嘅菜式其实并不容易，牛肉走油同足够镬气对于成个菜式十分关键，而珠记亦都驾轻就熟咁三两下手势就上到菜。整体嚟讲珠记可以算系海鲜大牌档入面中上嘅一间，份量味道都俱佳，亦唔会有