嘉寶漢堡 (已搬遷) 新店位置

病左就会特别想食下Junk food，知道呢间港式汉堡成日大排长龙，就趁早收工特登过嚟试下。小店大约有十个座位左右，地方比较狭窄。好彩时间尚早，坐落之后就门口开始有人排队。虽然有好多野想试，最后都点左烤菇芝士牛堡（$55），再加钱要套餐（+$15），喉咙痛唔拣得即炸嘅薯条，就点左凯撒沙律（额外+$5）同椰子水（额外+$5）。落完Order汉堡好厚，面包有微微烘过，攞起手食酱汁滴出黎，食得有啲狼狈，不过酱汁香浓，牛肉就相对淡口，烤菇非常Juicy。见到隔离枱嘅蕃薯条好似好吸引，下次试下食先。