時新漢堡飽 (已結業)

以前返理工都会去时新食个包做午餐，但自从搬咗舖后都好耐无食过。既然今日去黄埔睇戏就去叹个港式汉堡包。新舖比以前阔落及更多座位。两点嚟到唔洗等位仲有下午茶餐。下午茶选择多有包、有面、有小食。足料双层汉堡系自家制新鲜牛肉扒，肉质厚实无肥膏及肉筋，肉汁鲜味，仲有少许洋葱味。蛋煎至全熟有少许香口㶶边，值得一提系个时新酱，酸酸甜甜加上少少洋葱粒，好醒胃。炸鱼香脆热辣辣，鱼肉嫩滑有汁，炸鱼扒加上酸甜时新酱好夹。波浪粗薯条炸得香脆唔油腻，粗薯条外脆内软，口感不错。两杯冻饮都大大杯。