時新漢堡飽 (已結業)

时新汉堡包，我细细个就已经听过佢嘅大名，不过因为红磡距离屋企好远，所以由细到大都未食过。今日咁岩喺附近上完堂行去黄埔，就等我哋试吓港式汉堡包系咩滋味啦！入咗餐厅坐低之后，我哋叫咗两个单层芝士蛋汉堡包，鲜炸洋葱圈，卤水鸡髀同卤水鸡全翼。唔使十分钟就出晒所有食物，呢度系自助形式嘅，自己攞食物同餐具，十分方便！餐厅电视机播住韩国电视台讲反送中嘅新闻。汉堡包大大个热辣辣，汉堡扒非常多肉汁仲要一啲都唔鞋口，相信落咗唔少肥肉去煎，加埋芝士同煎蛋成个口感丰富晒，不过食得汉堡包就唔好理啲卡路里喇，系咪？洋葱圈系新鲜炸但一啲都唔油腻，香甜可口，点啲沙律酱一齐食可以减低热气嘅感觉。而卤水鸡髀同卤水鸡全翼就卤得好入味。时新汉堡包果然系香港人嘅汉堡包，下次再嚟黄埔呢区，一定要再食过！