添福小食 (已結業)

大家行开深水埗都可以试吓呢间外卖汉堡店🍔 主打港式汉堡，味道都几好😚 由于order系即叫即整，所以基本上长期排长龙，如果夜去更有机会好多食物都卖晒🤧⠀🌯 墨西哥鸡卷 $20 (冻食)呢个系第一次去时唯一卖剩嘅种类，本身谂住又冻食仲要卖剩一定麻麻地🤨 点知劲惊喜😣 虽然系冻食但鸡肉嫩滑，完全冇干争争嘅感觉😌 沙律酱同鸡卷好夹，不过就唔系好关墨西哥事😂🍔 黑椒牛肉汉堡 $21呢个系我第二次去先食到，面包烘到热辣辣而且带有烟韧😙 手打牛肉咬落去有汁，煎得啱啱好唔会韧，而且入面仲有洋葱粒，成个口感不错😌 酱汁就普通茄汁～另外都有叫烧卖鱼蛋呢啲小食，唔算太特别，一试无妨，都系包类比较出色😙