味口福 (已結業)

天悦广场曾经系我放学经常流连既地方，但人愈大就愈少去了。今日难得心血来潮同男朋友重游旧地，竟然发现到有好野食。要系食港式汉堡平时要走去红磡，对住港岛既我黎讲都几唔方便。宜家筲箕湾有得食㖞，就点都要试下啦！叫左牛肉汉堡，猪扒蛋包饭同瑞士鸡全翼。牛肉汉堡一咬落去十分JUICY，我再追加埋鸡蛋同芝士落去，PERFECT MATCH！猪扒蛋包饭份量都唔细架，而且饭底唔系普遍白饭而系咖哩饭黎架！有诚意！最后系瑞士鸡全翼啦，一碟有两大只，非常入味，配埋红豆冰真系正。三样野已经食到我地捧住个肚啦，下次又多个理由黎太安楼啦！