樂園魚蛋粉

营业中

休息中

港式粉面真系无可代替。 间唔使都会好想食返碗。以前都有朋友介绍过尖沙咀既乐园鱼蛋粉系几好食既，今日难得可以黎试下。入到舖头都系几传统既摆设, 但感觉系几新潮款既。 坐底都几舒服, 而且食客都好街坊feel. 尖沙咀比人有咁既感觉既面舖，都几得意。见到佢餐牌推介崩沙腩，同炸黄膳鱼皮, 咁就更系要试下。 最正系仲有下午茶餐, 跟多碟油菜同餐饮。崩沙腩河。 崩沙腩真系几靓, 肥, 肉, 根都好分明。 食落真系几得wor, 一d都唔肥腻，好有口感。 爽正, 牛味香, 而河粉都好滑溜。 炸黄鳝鱼皮好大件，要浸汤食。 可能因为大旧, 其实浸汤耐左都系咁脆。 冇油益味，好好味。 同一般既炸鱼皮真系几唔同。值得一赞既系佢既油菜。 我叫左菜芯。 佢真系煮得好爽脆，又嫩甜。 因为多数面舖既油菜比人既感觉都好求其, 但佢地真系一d都唔求其架。 仲要份量都几多。所以这份茶餐真系唔错。