華立茶餐廳

营业中

休息中

那夜凌晨，我坐上了旺角开往大埔的红VAN......weekend起身食番个港式早午餐先！呢间大埔友热推嘅茶记，果然名不虚传，分开两个相邻舖位，但系长期都其门如市。一份午餐包咗牛油餐包、火腿奄列、一碗粉同杯嘢饮，都系三十几蚊，经济又抵食。咁一场嚟到就肯肯定要加多$6，转餐包做菠萝油啦！新鲜出炉嘅菠萝油，外层金黄色、脆仆仆，内层松软。外脆内软、热辣辣嘅面包入面夹住半溶化嘅冰冻牛油砖，三重复杂嘅口感，简直令人一试难忘，想食完再食！奶茶同柠檬茶嘅茶底都香，尤其系奶茶，奶同茶嘅比列啱啱好，非常顺口、香滑。对于平时唔会叫雪菜肉丝米嘅人来讲，最怕就系雪菜有一种怪味，但呢度嘅雪菜相信会改变你对雪菜嘅观感。特餐入面嘅煎蛋猪扒汤意，块猪扒煎得够香，啱啱好干身又唔会冇晒肉汁，十分出色。