樓下冰室 (已結業)

今日老公过咗去荃湾𠮶边见客，其实荃湾𠮶边有好多好嘢食，所以顺势约埋喺荃湾食饭。记得路德围呢头有好多餐厅，今次就过嚟呢边觅食⋯经过楼下冰室，见到有我至爱嘅红豆冰，又有瑞士鸡翼，所以就入咗去试吓。呢间冰室，装修风格偏向怀旧风，摆放咗不少怀旧物品⋯打开个Menu睇睇，都几多食物选择，价钱就同普遍嘅茶记差唔多。今次我哋叫咗招牌胡椒猪肚滑鸡泡饭、厚切猪扒拼煎双蛋饭、瑞士鸡翼、红绿椰冰同忌廉红豆冰。厚切猪扒拼煎双蛋饭，块猪扒唔错，厚实嘅肉质柔嫩入味，加埋流心蛋，捞埋啲饭一齐食真系好正！呢排天气潮湿，食返个胡椒猪肚滑鸡泡饭健脾暖胃。呢个泡饭除咗有爽口嘅猪肚同嫩滑嘅鸡件之外，仲有支竹、咸酸菜、白果、津白、唐芹⋯非常足料！先试啖汤，味道鲜美浓郁，但又唔会腻口，不愧为招牌菜之一。轮到呢度嘅招牌瑞士鸡翼，呢度嘅瑞士鸡翼真系绝对唔马虎。首先系用鸡全翼，鸡翼烹煮嘅火候控制适中，每只鸡翼都可以做到皮爽肉嫩，而且仲好入味，必食推介！最后讲返两杯饮品，先讲杯邪恶忌廉红豆冰，喺红豆冰嘅基础上，加上滑滑嘅忌廉增加咗红豆冰嘅滑度同奶香，真系十级邪恶！杯红绿椰冰平时系冰室好少见，点知真系有惊喜，正！佢个蕃茄浓汤又系招牌之一，