麗香園冰室 (興華廣場)

营业中

休息中

今日迟咗收工，于是同同事喺邻近柴湾地铁站嘅商场食埋晚饭。见到呢间冰室装修得好光猛，餐牌又多选择，又多人食，所以就入咗嚟。食物款式都几多选择，可以拣晚餐款式，其他叫𩠌，加$15都可以变套餐，有汤、饮品、白饭。好肚饿，所以两个人叫咗三个𩠌。要咗一个晚餐— 蜜椒薯仔牛柳粒 $82🤣 又有黑椒又有蜜糖 甜得黎又间唔中咬到少少黑椒嘅辣味 薯仔同埋牛柳都比蜜糖包住甜甜地好惹味 牛柳肉质鲜嫩多汁 炒得有镬气👍🏻 XO酱虾球炒西兰花 🥦 $68 大大粒虾球，西兰花清爽新鲜，仲有少少蘑菇， XO酱刚刚好，如果炒得耐啲，就更入味更好。😆韭王虾球炒滑蛋 $61 同样系大大粒虾球，够弹牙，滑蛋分量十足，而滑蛋加韭菜绝对系送饭一流👍🏻呢个系中式老火汤，萝卜猪骨汤，冇味精，好有住家汤嘅感觉～ 白饭大大碗🤩呢杯红豆冰虽然要加$13 ，但绝对抵叫，红豆起沙，牛奶同红豆份量各占一半，原粒红豆，奶香十足， 十分经典。