金記冰室 (置富南區廣場) (已結業)

茶餐厅嘅早餐食极都唔会厌，呢间好地道嘅港式茶餐厅虽然人好多，但系都无损我哋食早餐嘅意欲。早餐嘅款式都有大约五种，我就叫咗火腿鲍片通粉，跟煎双蛋同牛油多士，想食得健康啲仲有麦皮拣。煎双蛋仲系流心嘅添，啲蛋黄一边食一边流出黎，流出嚟嘅就用多士点埋黎食，唔想食煎蛋仲可以叫炒蛋，用牛油去炒嘅特别香。不过个通粉就喊左小小，跟餐当然仲有嘢饮，我就叫咗热咖啡，不得一题呢度嘅热咖啡真系好好饮，我最钟意就系用炼奶冲嘅咖啡，唔会太苦，又有阵阵嘅奶味。