龍門冰室 (已結業)

陪朋友去铜锣湾Sogo 买嘢，之后佢请我锯扒，我话太贵唔好意思，朋友话登龙街龙门冰室，扒餐唔贵好抵食，叫我不妨去试吓。去到餐厅，我们经过探热和用酒精搓手后就可入座，餐牌食物都有很多选择，有啲重可以由客人自由配搭。鸡扒奄列、意粉、咖喱汁系朋友的配搭，奄列蛋都好滑，鸡扒厚肉入味，深黄色的咖喱汁香浓美味！夏天饮咸柠七消暑又解渴！美式杂扒跟薯菜配黑椒汁，份量很多，热辣辣的铁板上，放满猪扒、鸡扒、肠仔、烟肉和煎蛋，下面放了薯菜，黑椒汁另上。猪扒和鸡扒都煎到微焦，够香又够嫩。黑椒汁微辣，浓郁惹味！餐汤浓郁，饮品红豆冰奶味香红豆甜。星洲炒米都好足料，但炒得比较湿。因为是晚餐套餐，所以奉送多士和餐汤，重有饮品。好抵食！