影片
更多
2017-01-06
558 浏览
听闻星厨都有一段日子,上次去开食饺子𠮶阵无意中发现原来就晌附近,趁呢日就去试试.佢系间西餐厅,装修就比较港式风味.圣诞同新年啱啱过冇几耐,所以餐厅入面仲有唔少相关嘅节日装饰.午餐餐牌系手写嘅,字体非常秀丽.参详过后都系对主餐牌嘅主菜更感兴趣,另外仲叫咗两份小食一齐试试.芝士焗蟹盖个蟹盖入面酿咗一丝丝蟹肉,同埋混合咗啲洋葱粒同烟肉粒,上面铺咗层芝士,再焗香而成,唔会焗得太干太湿,口感爽脆,都几juicy甜香.伴碟嘅杂菜用咗黑醋调味,都几清新.一口牛脷拎到嚟𠮶阵已经稍凉,厚切嘅牛脷肉香软熟而嫩滑,唔浓但够惹味,感觉都唔错.是日餐汤系南瓜汤,汤入面有少少南瓜蓉,每口都系淡淡甜香,蒜蓉多士亦算脆口.主菜方面起初想试安格斯西冷扒或谷饲法式猪扒,最后都系试咗香煎加拿大比目鱼,煎得鱼皮焦脆,鱼肉唔松散,食起嚟软绵,烹调时用咗盐嚟调味,咸度浓郁.用嚟蘸嚟食嘅酱汁酸酸甜甜,鱼身底下仲有炒鸡髀菇,香菇,炸薯角,杂菜等等,食多啲蔬菜可以中和肉类嘅腻感.餐饮我就叫咗热柠茶,柠檬清香又可以消滞.虽然餐厅嘅陈设同风格系走港式西餐厅路线,但食物嘅质素算唔错亦唔颓.下次再嚟嘅话会试试呢度驰名嘅烤焗咸猪手,听闻性价比好
听闻星厨都有一段日子,上次去开食饺子𠮶阵无意中发现原来就晌附近,趁呢日就去试试.
佢系间西餐厅,装修就比较港式风味.
圣诞同新年啱啱过冇几耐,所以餐厅入面仲有唔少相关嘅节日装饰.
午餐餐牌系手写嘅,字体非常秀丽.
参详过后都系对主餐牌嘅主菜更感兴趣,另外仲叫咗两份小食一齐试试.
芝士焗蟹盖个蟹盖入面酿咗一丝丝蟹肉,同埋混合咗啲洋葱粒同烟肉粒,上面铺咗层芝士,再焗香而成,唔会焗得太干太湿,口感爽脆,都几juicy甜香.伴碟嘅杂菜用咗黑醋调味,都几清新.
一口牛脷拎到嚟𠮶阵已经稍凉,厚切嘅牛脷肉香软熟而嫩滑,唔浓但够惹味,感觉都唔错.
是日餐汤系南瓜汤,汤入面有少少南瓜蓉,每口都系淡淡甜香,蒜蓉多士亦算脆口.
主菜方面起初想试安格斯西冷扒或谷饲法式猪扒,最后都系试咗香煎加拿大比目鱼,煎得鱼皮焦脆,鱼肉唔松散,食起嚟软绵,烹调时用咗盐嚟调味,咸度浓郁.用嚟蘸嚟食嘅酱汁酸酸甜甜,鱼身底下仲有炒鸡髀菇,香菇,炸薯角,杂菜等等,食多啲蔬菜可以中和肉类嘅腻感.
餐饮我就叫咗热柠茶,柠檬清香又可以消滞.虽然餐厅嘅陈设同风格系走港式西餐厅路线,但食物嘅质素算唔错亦唔颓.下次再嚟嘅话会试试呢度驰名嘅烤焗咸猪手,听闻性价比好似几高.
张贴
