米走雞 (渣甸中心)

营业中

休息中

之前午餐试过，今次晚餐就又嚟咗米走鸡啦。一到咗铜锣湾嘅米走鸡就见到有好多人等位，但好彩好快就有位🕐，唔需要等好耐。呢度嘅装修好有香港嘅特色，空间几宽松嘅，又有大卡枱。汤底我拣咗蒜蓉卜卜蚬锅，浓厚嘅蚬味与蒜香完美结合，入口并唔辣，但好鲜甜，加咗啲火锅料落去，越煮越好饮。香蒜嘅味道配蚬嘅新鲜，简直无得输。啲西班牙黑豚肉嘅肉质又好juicy，唔会切到太大块很难咬，而且肥瘦适中，口感一流👍，绝对系豚肉中嘅极品。同埋佢哋嘅澳洲牛舌系我食过最好食嘅牛舌之一啊，脆身同埋弹牙🐮。仲有一定要食嘅炸鱼皮同埋粟米。炸鱼皮脆到不得了，我相信系新鲜炸嘅。新鲜嘅粟米吸收汤汁变到又脆又juicy😋呢度嘅服务员都几nice，见我哋坐定就好快嚟问我哋要咩水，而且价钱都算中等，所以我哋班友都钟意黎呢度，赞赞赞！