韓樂 (TKO Gateway西翼)

营业中

休息中

一间好港式既韩国餐厅, 就连味道都好似😂长期都有好多客人光顾, 餐厅食物款式多性价比高, 味道都唔错👍🏼韩式芝麻烧汁焗鸡扒饭 $55又系一道好热既焗饭, 望落细细碟, 原来饭量都几多。加上芝士同烧汁好多🫕同饭一齐食好惹味。鸡扒既味道非常之港式, 唔干又唔柴😝八爪鱼石头锅饭 $68呢道菜系3道菜中最似韩国口味, 店内可以见到机乎每台都有叫。石锅热辣辣上, 倒入酱汁快速同食物搅拌🐙八爪鱼软淋淋唔系脆口, 捞饭味道同韩式都似。由于太热食得好慢, 最后一啖石锅都仲出紧烟💨魔鬼芝士焗肠 $38睇图唔睇文字以为系芝士焗年糕, 一咬先知道味道唔同。用左好多浓浓既芝士去焗🫕难怪个名叫魔鬼芝士焗肠, 真系啖啖芝士🧀焗肠系香草味脆皮肠, 再加上芝士真系太腻。