時新快餐店 (已結業)

我觉得红磡、黄埔一带都几多野食，成都好想试下时新快餐店，奈何每一次都同佢擦身而过。今次终于特登空肚黎食佢既汉堡包喇！双层汉堡芝士蛋包 ($24)汉堡包唔算十分出色，但就系充满港式风味 既一款汉堡包。面包用左嘉顿汉堡包，微微烘脆，而中间既肉可以拣牛肉/猪肉，即叫即煎，小小juicy不过就好油，夹杂著芝士同蛋，而且配埋秘制既沙津酱 ，成个汉堡包真系几惹味架！ 汉堡扒唔算超大块，但沙律酱令到呢个包变得更好味！呢个汉堡包既size对于一个男仔黎讲，可能有D细，最后朋友要食2个先饱，所以叫多左一个包～鱼扒包 ($21) 呢个包卖相就相对失色好多~ 鱼扒即系龙脷柳，两边都煎过，再加惹味既沙律酱，但始终口感冇双层汉堡芝士蛋包咁吸引！～我地仲叫左2款小食。炸薯条 ($18) 卤水鸡翼 ($19/2) 鸡翼几好食，唔算超过入口，但鸡肉就好嫩滑～～餐牌 睇新闻话红磡黎紧2，3年会重建，餐厅要搬迁，揾日经过要同朋友再去食呢个汉堡包呀！