蘭芳園 (已結業)

熊猫要过大海啦，过大海前，就梗系要医左肚先上船啦。信德中心间间食肆都大排长龙，见到兰芳园比较少人排队，所以我哋就去排啦。叫咗两个餐，一个系猪扒米粉配奶油猪，另一个系叉烧通粉，配火腿奄列。当然要叫招牌嘅热奶茶啦。奶油猪略嫌太干，下次再嚟嘅话要记得叫佢多奶油，其他嘢食都系不过不失啦，不过杯奶茶就几好饮，茶香奶滑。以呢度嘅食物来讲，我觉得偏贵，食物同外面普通茶餐厅都系一样，但系价钱就贵一大截，所以如果唔系去开附近都唔使特登嚟。可能你楼下茶餐厅都食到差唔多嘅嘢。