龍門冰室 (已結業)

第一次入龙门居，正常一场嚟到会扫小食。但以嫁受疫情影响，为咗确保食饭食得安全啲，如果要出街食都尽量拣返餐厅先。之前都帮衬过龙门冰室分店，后来都想试下最原始风味，所以就去咗食龙门冰室。餐厅环境而言，系经典港式茶记感觉，无任何花巧设计，实用为主。我地当日嘅座位对正厨房门口，毫无掩盖，所以厨师讲野都几应声。-传统英式早餐 $68套餐一共包括炒滑蛋、煎午餐肉、德国纽伦堡肠、烟三文鱼、烟肉、炸虾、薯饼、焗豆、多士。以$68免加一呢个价钱嚟讲，呢个餐都几抵食，份量够晒大，男仔食都够饱。烟三文鱼做得唔错，咸香带鲜。多士并非单块蘸取牛油就算，而系整到好似三文治咁夹住牛油，几特别。薯饼同炸虾都唔会炸得过火，香口带酥感。-流心奄列餐 $50可以自选配菜及酱汁，我拣咗猪扒茄汁意粉配奄列。奄列配大量意粉，呢个餐份量同样唔惹少。欣赏猪扒煎得好香，猪肉香浓郁，口感颇松软。可惜茄汁唔够突出，酸甜度逊色。