金飯館貳·零 肉餅·焗飯專門店

营业中

休息中

餐厅因为推出了任食沙嗲牛面而大有名气，见好多人都称赞佢嘅沙嗲牛面高质好食。不过因为比较重口味，唔系人人啱。不过见餐厅另外都有好多特色食物，更选用高级日本兰王蛋做食材，所以都专登黎试下。放工时间7点几舖头已经坐满哂人。行茶餐厅设计，座位主要系卡位同圆枱，好大机会要同人搭枱。座都几逼同埋贴，大家基本上快快手食完就走。今次试左招牌葱油肉饼饭同埋虾头油炒饭，虽然两样都听落好油，但食落唔会觉得油腻。葱油肉饼饭配上橙黄色既兰王蛋，增加食欲并提升味道，不过份量同唔算多，男仔食未必够食。反而虾头油炒饭份量好多，加入左杂锦海鲜同樱花虾，饭炒到好干身，粒粒分明有镬气。总括而言，推荐好食，不过要预环境比较逼夹。