堅韓燒 (已結業)

好耐冇睇烧山 YouTube ，惗起烧山提过坚韩烧系佢哋，入去试下。整体不过不失，但佢间嘢都几唔 prof. ：啲煎锅唔预食客落油，啲嘢食比如带子、鱼柳，初初唔知点烧，好彩叫左牛油金菇、牛油🌽，有个锡纸兜，放左落锡纸兜牛油煮，烧肉唔够油就倒返牛油落㶽烧。佢啲猪颈肉、鸡，一系冇掩，一系韩式酱，唔落油，一烧就㶶 … 啲料其实劲似白石烧烤、烧烤乐园 package 果类，系港式 BBQ 包装成韩烧。最唔韩式系烧肉系完全冇预生菜去包肉、亦都冇抽油烟机 (冇落油其实都冇乜油烟) … Menu 系冇乜菜，得八小碟果只熟左嘅菜可以 order 。不过，都有嘢好嘅，就系送左块安格斯肉眼扒，应该算比较贵嘅食材，香港 BBQ 惯都识烧，佢哋有准备一支海盐、一支黑椒，只系块牛似乎未解冻，要放到最尾先好烧，未唔系一烧就碎开晒。