Sleepyhead

营业中

休息中

灣仔新開咗一間以港式元素融合三文治以及飲品嘅coffee shop，個名都好鬼馬，叫做「Sleepyhead矇茶茶」，喺月街入面夠晒方便打工仔食個簡單嘅lunch，嘢飲都幾有特色。叉燒包配搭菠蘿包你試過未？估唔到脆皮同叉燒有幾夾喎，外脆內軟，而且叉燒嫩滑配上炒蛋就好似一個港式早餐咁。鹹牛肉三文治好惹味，醬汁嘅配搭亦都唔錯。我哋仲叫咗加入氮氣嘅港式奶茶以及咖啡，因為係on tap嘅所以冇得調校冰度同糖度，但係十分之順滑，入口一啲都唔會苦澀，港式奶茶用咗香港本地人手沖裝「師父好茶」嘅茶底，十分值得一試。最後仲叫咗個金柑檸檬西多士，多士香脆，夾着清新嘅柑桔檸檬醬，又甜又酸幾開胃。