Sleepyhead

营业中

休息中

湾仔新开咗一间以港式元素融合三文治以及饮品嘅coffee shop，个名都好鬼马，叫做「Sleepyhead蒙茶茶」，喺月街入面够晒方便打工仔食个简单嘅lunch，嘢饮都几有特色。叉烧包配搭菠萝包你试过未？估唔到脆皮同叉烧有几夹㖞，外脆内软，而且叉烧嫩滑配上炒蛋就好似一个港式早餐咁。咸牛肉三文治好惹味，酱汁嘅配搭亦都唔错。我哋仲叫咗加入氮气嘅港式奶茶以及咖啡，因为系on tap嘅所以冇得调校冰度同糖度，但系十分之顺滑，入口一啲都唔会苦涩，港式奶茶用咗香港本地人手冲装「师父好茶」嘅茶底，十分值得一试。最后仲叫咗个金柑柠檬西多士，多士香脆，夹着清新嘅柑桔柠檬酱，又甜又酸几开胃。