影片
更多
2023-04-16
1368 浏览
放假又嚟牛头角揾食，上次同朋友去咗间无印风 Café 食 lunch，今次就嚟试下呢间由日本人与本地人合作开设嘅「盛寅慢煮制面」。餐厅主打拌面和汤面，另外亦有泡饭和小食等供应，选择好丰富。点咗个一人专享套餐 ($69)，个套餐非常抵食，包炸物拼盘或野菌油菜+拌面/汤面/泡饭及饮品。拼盘有无骨鸡翼、鸡皮饺子、蜂巢豆卜，每样一件。鸡翼即叫即炸，入口啖啖肉；饺子油香十足，馅料饱满；豆卜内有鲮鱼肉和粟米，咬下酥香松化。葱油鸡泡饭·洋葱大蒜鸡汤，葱油鸡可以自选部位，拣咗鸡腿肉，肉质好嫩滑，原来餐厅所有嘅肉类都系经慢煮处理，以保持鲜嫩质感，唔怪得食落滑溜又有鸡味。连跟餐嘅汤都系经老板改良，每日新鲜即制，汤头清香鲜甜，用嚟泡饭真系一流！另外仲点咗碗味噌猪面肉配菠菜面及大地鱼虾米汤 ($52) 猪面肉以慢煮方式烹调，再轻轻烤香，表面微脆，内里嫩滑多汁，加上味噌、味醂调味，润色增鲜。菠菜面绿油油，面质滑口有嚼劲，加上鲜甜浓香嘅大地鱼虾米汤，令整碗面嘅食味提升不少。味付溏心蛋 ($19) 两只溏心蛋嘅表现也很不错，蛋白嫩口，蛋黄滑顺，食落蛋浆绵绵，非常好吃！饮品点咗冻鸳鸯 (跟餐) 同 玉泉忌廉 ($
放假又嚟牛头角揾食，上次同朋友去咗间无印风 Café 食 lunch，今次就嚟试下呢间由日本人与本地人合作开设嘅「盛寅慢煮制面」。
餐厅主打拌面和汤面，另外亦有泡饭和小食等供应，选择好丰富。
点咗个一人专享套餐 ($69)，个套餐非常抵食，包炸物拼盘或野菌油菜+拌面/汤面/泡饭及饮品。
拼盘有无骨鸡翼、鸡皮饺子、蜂巢豆卜，每样一件。鸡翼即叫即炸，入口啖啖肉；饺子油香十足，馅料饱满；豆卜内有鲮鱼肉和粟米，咬下酥香松化。
葱油鸡泡饭·洋葱大蒜鸡汤，葱油鸡可以自选部位，拣咗鸡腿肉，肉质好嫩滑，原来餐厅所有嘅肉类都系经慢煮处理，以保持鲜嫩质感，唔怪得食落滑溜又有鸡味。
连跟餐嘅汤都系经老板改良，每日新鲜即制，汤头清香鲜甜，用嚟泡饭真系一流！
另外仲点咗碗味噌猪面肉配菠菜面及大地鱼虾米汤 ($52) 猪面肉以慢煮方式烹调，再轻轻烤香，表面微脆，内里嫩滑多汁，加上味噌、味醂调味，润色增鲜。
菠菜面绿油油，面质滑口有嚼劲，加上鲜甜浓香嘅大地鱼虾米汤，令整碗面嘅食味提升不少。
味付溏心蛋 ($19) 两只溏心蛋嘅表现也很不错，蛋白嫩口，蛋黄滑顺，食落蛋浆绵绵，非常好吃！
饮品点咗冻鸳鸯 (跟餐) 同 玉泉忌廉 ($12)，鸳鸯味道唔错，奶茶同咖啡味都好均匀，真心 Like。
张贴
