影片
更多
2022-01-18
237 浏览
何车车仔面系一间算系港日Fusion嘅特色车仔面，因为佢哋嘅𩠌有唔少日式嘅元素，例如关东煮、日式叉烧、唐扬炸鸡……𩠌嘅款式同种类都算多，仲可以拣配汤面、捞面或者菜底，钟意食辣嘅朋友仲可以加佢哋嘅秘制辣汁、咖喱或者麻辣～何车嘅总店开喺界限街，之前已经见到好多人推介，但因为位置唔太就脚，所以一路都无去试，12月头嘅时候佢哋开咗大南街嘅分店，所以我哋终于的起心肝去试吓～当晚系平日夜晚7点左右，虽然前面有6-7人，但等咗唔够10分钟就有位～ 偏舖头嘅装修行日系简约风，虽然座位都排得算密，但由于门口较大，都几通风，唔会焗促～•📸 自选车仔面 (河粉、烧猪颈肉、日式叉烧、糖心萝卜) $51河粉系偏幼但厚身啲，食落更有咬口，亦都无咁易烂～ 因为好多时食车仔面嘅河粉都好易夹两夹就粉碎，呢间嘅就唔会！👍🏼汤底我拣咗卤水汁+腩汁两沟，饮落几清，味道偏甜，又唔会好口渴，同啲𩠌/河粉都几夹🤤🥢 日式叉烧 $15🥢 糖心萝卜 $11日式叉烧切得比较薄身，亦都偏细块，但一食就几有惊喜，因为日式酱油味好浓，成块叉烧都好入味，而且肥瘦均匀，一啲都唔干唔韧😋萝卜煮得好腍，完全无渣，仲要煮得好甜好入味🤩 扣分位系呢两款
何车嘅总店开喺界限街，之前已经见到好多人推介，但因为位置唔太就脚，所以一路都无去试，12月头嘅时候佢哋开咗大南街嘅分店，所以我哋终于的起心肝去试吓～
当晚系平日夜晚7点左右，虽然前面有6-7人，但等咗唔够10分钟就有位～ 偏舖头嘅装修行日系简约风，虽然座位都排得算密，但由于门口较大，都几通风，唔会焗促～
•
📸 自选车仔面 (河粉、烧猪颈肉、日式叉烧、糖心萝卜) $51
河粉系偏幼但厚身啲，食落更有咬口，亦都无咁易烂～ 因为好多时食车仔面嘅河粉都好易夹两夹就粉碎，呢间嘅就唔会！👍🏼
汤底我拣咗卤水汁+腩汁两沟，饮落几清，味道偏甜，又唔会好口渴，同啲𩠌/河粉都几夹🤤
自选车仔面
$51
6 浏览
1 赞好
0 留言
🥢 日式叉烧 $15
🥢 糖心萝卜 $11
日式叉烧切得比较薄身，亦都偏细块，但一食就几有惊喜，因为日式酱油味好浓，成块叉烧都好入味，而且肥瘦均匀，一啲都唔干唔韧😋
日式叉烧
21 浏览
0 赞好
0 留言
萝卜煮得好腍，完全无渣，仲要煮得好甜好入味🤩 扣分位系呢两款𩠌嘅份量都唔多🙈
糖心萝卜
10 浏览
0 赞好
0 留言
🥢 烧猪颈肉 $15
烧猪颈肉系其中一款几多人推荐嘅𩠌～一上枱食第一嚿系几香口，但之后浸汤耐咗再食就变得比较普通，可能叫另上或者跟捞面会好少少～ 而且个猪颈肉有少少干柴，好重五香粉味，个人嚟讲都系比较钟意香茅/蜜汁味嘅猪颈肉多啲🤣
烧猪颈肉
20 浏览
0 赞好
0 留言
•
📸 蒜油虾子捞面 (烧牛舌芯、牛肚、猪红) $57
蒜味好浓郁但偏甜，整体味道略嫌单调，食到尾仲有啲太油腻，可能加少少咖喱汁/麻辣汁会惹味啲😛 虾子份量都多，但由于系摆咗啲𩠌上去先再洒上虾子，所以啲面都唔算沾到好多虾子😕
蒜油虾子捞面
10 浏览
0 赞好
0 留言
🥢烧牛舌芯 $15
呢个烧牛舌芯估唔到会有啲惊喜！😳 虽然睇落有啲薄，但咬落仲食到牛舌嘅爽口口感，而且烧得几香，又有牛味🤤 真系几正～
烧牛舌芯
14 浏览
0 赞好
0 留言
🥢牛肚 $15
🥢猪红 $12
牛肚卤得好腍好入味，而且完全无内脏嘅腥味🤤
牛肚
13 浏览
0 赞好
0 留言
猪红系朋友食嘅，朋友话猪红好入味，口感几滑，而且无臭味，算系食过其中一间最好食嘅猪红！
•
🥢 唐扬炸鸡 $14 (加𩠌之一)
呢个其实系车仔面加𩠌之一，但因为系另上所以就分开咗影～
炸鸡炸得干身，炸衣好薄，而且系连鸡皮咁炸，啲鸡皮都炸到脆卜卜，好香口，配埋唔算辣嘅芥末籽酱，都几惹味😋 但鸡肉嘅肉质稍干，扣咗少少分～
唐扬炸鸡
7 浏览
0 赞好
0 留言
•
🥢 炸妈妈饺 (3粒) $15
妈妈饺其实系细细只嘅韮菜饺，馅料都算饱满，都几香韮菜味，云吞皮炸得好脆👍🏼 配咗个疑似系黑松露蛋黄酱(因为有啲黑色粒粒嘅)，但蛋黄酱味好浓，无乜黑松露味～ 其实蛋黄酱好似同所有炸嘢都好夹😜 整体嚟讲可以一试～
炸妈妈饺
10 浏览
0 赞好
0 留言
•
🥢 白玉乌龙茶 $17
佢嘅余韵好甜，甜到有阵好似罗拔臣啫喱啲甜味😂 乌龙味唔够香，唔系太啱我口味🙈
白玉乌龙茶
7 浏览
0 赞好
0 留言
张贴
