微辣大排檔 (已結業)

创立于澳门嘅微辣，除左涉足娱乐演艺事业外，还染指饮食业，旧年喺沙田新城市广场开始经营呢档微辣大牌档。老一辈未必人人认识微辣，经常流连短片网站嘅网民就应该心水清！微辣大牌档嘅装潢充满怀旧气息，亦玩味十足！店内划分成唔同区域，有戏院、船舱、士多、娱乐场所等等。就连餐牌上面嘅菜式名都有浓浓「微辣」味，部分菜式名用上旗下艺人嘅名去改～～餐牌推介左10大必食菜式，我地都试左几款。第一道上嘅菜系米酒鸡 (原味)，拍片打卡菜式之一，荷叶完全包裹住只鸡，店员淋上米酒后，喺荷叶外层点火，待火熄灭后就可以享用。除左荷叶之外，所有食材都食得，荷叶外嘅系蒜子同马蹄，马蹄爽甜，吸入酒香。翻开荷叶，系全只鸡，鸡肉嫩滑唔干柴，带荷叶香气又夹杂淡淡酒香，内里包裹住金针云耳等配料，好丰富！好色豪Dee (蜂巢潮式蚝饼)，蚝饼酥脆，唔会好油腻，蚝仔肉都算饱满，但蚝肉份量唔算多。霍哥JJ海虎虾粉丝煲，虎虾大只，一煲有3只，肉质爽口。酱汁调味香浓惹味，粉丝吸尽酱汁都唔会太咸！额外加碗白饭 ($18/碗)，捞汁食一流！何伯爆屎渠 (酥炸猪大肠)，第一次见原条猪大肠吊住咁上桌！一剪开猪肠尾，内里酱汁立即涌出，或者就系菜式叫「爆屎