火鍋撚 (染布房街) (已結業)

之前一路都知旺角开咗间港版无老锅，一直都想试，今次撞啱朋友生日，佢又话想试，就早早订枱，用餐时间系个半钟。准时去到，行到个位发现二人枱要搭枱，真系傻了眼你可以讲佢系两张长方型二人枱，但呢两张枱系拍埋的，同搭枱基本上冇分别。咁坐低点菜啦，中价打边炉价，我地两个人，要左个鸳鸯锅，一边麻辣一边酸菜白肉锅。麻辣锅好香，不过唔会死辣，有鸭血同埋蜂巢豆腐。酸菜白肉锅有几片猪肉，有红薯粉垫底，初段至尾段都觉得味道几好同开胃，不过食到尾觉得太酸。之后点左个细手切肥牛、响铃、杂饺、黑松露墨鱼滑拼干贝滑、皇帝菜、乌冬、一渣竹蔗茅根。手切肥牛好食，有咬口，半肥瘦，有牛味杂饺冇咩特别，不过鱼皮饺偏咸。双拼滑冇影到，不过够爽口弹牙！响铃即叫即炸，松脆好食，冇油溢味最后有糖水送，系腐竹糖水沙冰！卖相特别！两个人盛惠$834，食物不错，但环境太嘈，又迫，好似坐喺放题咁，我觉得呢个价钱有更佳选择。