影片
更多
2018-12-29
466 浏览
笔者介绍：人称「肥佬B」，自2009年加入openrice，一直以openrice用作bookmark餐厅用途。踏入三十之年，心广体胖嘅我quota递减，故每逢可以出街食饭定必事前做足功课，以免浪费quota，希望透过写食评同大家分享饮食心得和介绍我嘅口袋餐厅。作为新界仔嘅我，更与女友相约「每月港岛一餐」，有兴趣就即刻follow我啦！话说，小弟系一个极之麻甩嘅人，麻甩仔当然要配茶仔啦！我未婚妻圣诞前一直话佢揾左间好出名嘅茶仔要带我去试，佢揾茶仔同我一齐食㖞，其实真系好窝心的，不过一直都撞唔啱时间，偏偏今个圣诞大家都无乜计划，所以佢就带左我去佢口中所讲嘅茶仔，就系呢间联威！系The One落车一路睇google map，都行左成15分钟先黎到，好有探险feel！圣诞呀大佬，无人会系茶仔过圣诞架，所以食客都系街坊为主。一坐落伙计就热情招乎，同我地介绍有乜食。洋葱汁瑞士鸡扒铁板餐呢个真系食回忆必点。细个同未婚妻拍拖嘅时候，成日会去一间好up dup嘅茶仔食铁板餐，个时都系讲紧25蚊。过左咁多年，今时今日一旧水走唔甩，但呢度竟然只系$55就有交易！除左回忆之外，就系识我嘅人都知「热未必一定好
话说，小弟系一个极之麻甩嘅人，麻甩仔当然要配茶仔啦！我未婚妻圣诞前一直话佢揾左间好出名嘅茶仔要带我去试，佢揾茶仔同我一齐食㖞，其实真系好窝心的，不过一直都撞唔啱时间，偏偏今个圣诞大家都无乜计划，所以佢就带左我去佢口中所讲嘅茶仔，就系呢间联威！系The One落车一路睇google map，都行左成15分钟先黎到，好有探险feel！
圣诞呀大佬，无人会系茶仔过圣诞架，所以食客都系街坊为主。一坐落伙计就热情招乎，同我地介绍有乜食。
洋葱汁瑞士鸡扒铁板餐
呢个真系食回忆必点。细个同未婚妻拍拖嘅时候，成日会去一间好up dup嘅茶仔食铁板餐，个时都系讲紧25蚊。过左咁多年，今时今日一旧水走唔甩，但呢度竟然只系$55就有交易！除左回忆之外，就系识我嘅人都知「热未必一定好食，但唔热就一定唔好食嘅道理」，咁有咩仲热得过铁板餐？
今时今日好多餐厅所谓嘅铁板餐都系唔热，你当块铁板系只碟上菜咁叫咩铁板餐呢？但联威系未上台已经从远处听到铁板嘅吱吱声，我劲兴奋！望住橙红色嘅洋葱汁系铁板上跳跃同冒烟，真系好疗愈！铁板嘅配菜好传统，就系几块蕃茄同鲜炸薯条！成个餐其实就无乜特别好讲，因为食呢样野真系多过食味道！信我，如果挂住小时候嘅铁板餐就黎呢度啦！
洋葱汁瑞士鸡扒铁板餐
$55
50 浏览
0 赞好
0 留言
跟铁板意粉
$10
37 浏览
0 赞好
0 留言
皇袍鳗鱼饭
老老实实，如果你成世人未去过日本食个d好有名嘅鳗鱼，都可能会觉得正正常常摆得入口嘅，但你问我就觉得无乜特别，就系你去超巿最平个d急冻鳗鱼啰！但系望下价钱，$68你又期望佢俾咩你？所以我觉得呢个饭叫fair啦。下次或者叫小菜会更好！
皇袍鳗鱼饭
80 浏览
0 赞好
0 留言
红豆冰
我细个嘅回忆入面无乜红豆冰嘅出现，大概系因为红豆冰要加钱而屋企人唔想我叫。到左宜家大个，就算负担得起都唔敢成日叫，哈哈！呢杯红豆冰其实唔合格。一杯完美嘅红豆冰应该有大冰块同碎冰，而呢度只有大冰块，而且冰太少，好快就融哂变奶水。红豆唔系自己煲而系罐头野，又系无乜好讲。
红豆冰
32 浏览
0 赞好
0 留言
成餐饭d野食就真系水准以下，但人就系咁得意，食物好多时只系其中一小部分，更重要嘅系同边个食、点解黎食、食物有咩意义。而今晚我就食得好开心，我食嘅系未婚妻嘅心意、佢嘅贴地同我地儿时拍拖嘅回忆。好感恩仲有一间餐厅做咁标准嘅铁板餐，得闲我又回来怀缅下！
张贴
