鼎點 1968 (已搬遷) 新店位置

呢间餐厅嘅野真系唔好食，食物质素都好差吓！我同两个朋友去食，每人一杯野饮，之后嗌左七八个点心一齐share。我朋友叫左杯橙汁，好似水咁，仲难饮过果粒橙，点解佢可以话鲜榨？😨 另外两杯野饮都系偏甜！仲有凤爪同埋蒸排骨，下面垫住嘅竟然系炸薯条，真系好无奈😰😰😰 steamed fries lol 平时啲点心下面放啲菜垫住嚟蒸就系为咗吸油，你放啲炸薯条系度，即系想点？🙄个小笼包真系好难食，系我成世女食过最难食嘅小笼包！𠮶碟油菜白烚既，一滴油都无，钟意健康主意嘅人都可以试吓。个黑松露烧卖，里面啲虾一啲都唔爽，几大粒都冇用。唯一比较好少少既就系个赛螃蟹春卷，起码无炸㶶👍🏻如果你想去呢间餐厅食野，请三思。