曉廚軒香港風味 (已結業)

今晚居然有四款汤饮，搞到我三心两意添！见近来经常挨夜、烟酒过多又瞓得唔太好，就饮花旗参啦！张单打出黎个名唔同既？原来打错单，不过价钱一样。原盅花旗参螺头炖鸡汤，热腾腾喷晒烟送到，未开已经闻到香喷喷。依排成日挨夜天烟又酒，饮花旗参同螺头最啱，特浓汤汁好饮到震呀！足料无欺场，好多汤料呢。螺肉浓郁风味味道，弹弹的又有赵口。冬菇滑弹浓，无敌超好味！鸡脚胶胶滑滑，汤汁黏黏的，真系成盅渣都无得剩，好幸福啊！潮式榄菜姜米炒饭，侍应哥哥话佢地出开四季豆唔出姜米㖞，咁咪无左个灵魂？好采都肯煮比我食，麻烦晒！即叫即炒镬气十足，香气扑鼻，闻到已经流晒口水，卖相仲好靓仔添。用新鲜饭炒成，功力十足，粒粒干爽饱满又均匀，无话一旧旧咁上枱呢。其实系一个斋炒饭黎架，绝对无肉既成份，但香口浓味到不得了！葱花、榄菜、姜米、鸡蛋，就系咁简单，好好食！捞是拉差辣椒酱好、捞自家香辣辣椒渣都好，好味呀！