悠蔬食 (渣甸中心) (已結業)

上次趁着星期日同过老婆嚟食晏，佢一致赞好，当然唔好食就梗喺唔带佢啦。短期内再翻兜嘅餐厅，悠蔬食都喺属于少数之一，无他嘅，好味之余，配搭有心思，卖相又精致，食素啱老婆口味更喺其中主因之一。独食难肥，好嘢就梗喺要共享，所以，多拉埋另一位老友一行三人过嚟找「素」 。近年食素嘅人多咗好多，尤其后生嘅，岂止绿色星期一，有啲朋友更喺隔日就要绿色添。好在我哋有订位，因为，唔单止坐满全场，离开时晌门外更见到仲有三几人等紧位。之前嚟过已知晚餐最划算，五道菜晚市套餐已有齐前菜、手卷、餐汤、主菜及甜品，才$218一份（部份主菜需补钱）， 所以，毫无悬念就喺点晚餐 。虽然，唔知几耐转一次款，但跟上次晚市比，菜式大部份唔同咗，不过，配搭依然尽见创意，亦加入咗好多秋冬时令及滋补食材 。店员推介新出嘅「秋季限定特色饮品」，套餐本身唔包饮品，不过，加配可享有正价减$10嘅优惠，既然睇落真喺几滋润，大家又想试，啱啱有3款，就不如一人一款试匀晒 。 无限双雪 $38（套餐价$28） 以无花果、雪梨、雪耳煲成，老婆话味道清淡而，但感觉润喉，而无花果清甜无酸味，味道不俗。从餐牌所知，有多重功效，喺健康之选。