影片
更多
2019-04-04
2705 浏览
由于老婆茹素关系（佢又唔喺食全素，只喺避免食红肉，白肉或海鲜都会食少少），小弟就多咗食素嘅次数。不过，原来身边都有唔少朋友都喺咁，就算唔喺全素，都不时拣餐饭喺食素嘅。啱啱去完旅行，是夜，就同啲相熟嘅食友嚟到「大自然素食」聚一聚，讲吓近况，顺便派点小手信嘛！多年前都帮衬过「大自然素食」嘅荃湾店，感觉唔错架，不过，尖沙咀似乎就靓好啲，地方阔落啲啲，楼底高啲啲，枱櫈排得疏啲啲，浅木地板衬仿砖墙，地方光猛而整洁，令整体嘅感觉都轻轻松松。墙上一大幅池畔金鱼，配上一句「随缘自乐」，喺好有意思嘅一句话。尤其今时今日，港人嘅戾气特别多，其实，凡事轻省面对，随缘一下，压力自然少好多。主餐牌有两大本，金色𠮶本薄啲，可以讲喺日系餐牌，如手卷、寿司、鱼生、卷物……等等，仲有啲素嘅和式料理。另一本绿色嘅，就厚身好多，里面可以讲包罗万有，由小食、沙律、汤羹、海鲜、鸡鸭、猪牛、蔬菜、云吞、豆腐、粥粉饭面……到甜品都有，师傅简直使出浑身解数，所以，你话食素又点会闷呢！除咗以上两大餐牌，仲有个「热门推介」同「 热门日式推介」，当然，有选择困难症嘅朋友，就不妨集中晌呢两版餐牌度拣啲心水菜式。此外，「志云大师」都有推介，就
多年前都帮衬过「大自然素食」嘅荃湾店，感觉唔错架，不过，尖沙咀似乎就靓好啲，地方阔落啲啲，楼底高啲啲，枱櫈排得疏啲啲，浅木地板衬仿砖墙，地方光猛而整洁，令整体嘅感觉都轻轻松松。
墙上一大幅池畔金鱼，配上一句「随缘自乐」，喺好有意思嘅一句话。尤其今时今日，港人嘅戾气特别多，其实，凡事轻省面对，随缘一下，压力自然少好多。
主餐牌有两大本，金色𠮶本薄啲，可以讲喺日系餐牌，如手卷、寿司、鱼生、卷物……等等，仲有啲素嘅和式料理。
另一本绿色嘅，就厚身好多，里面可以讲包罗万有，由小食、沙律、汤羹、海鲜、鸡鸭、猪牛、蔬菜、云吞、豆腐、粥粉饭面……到甜品都有，师傅简直使出浑身解数，所以，你话食素又点会闷呢！
除咗以上两大餐牌，仲有个「热门推介」同「 热门日式推介」，当然，有选择困难症嘅朋友，就不妨集中晌呢两版餐牌度拣啲心水菜式。
此外，「志云大师」都有推介，就喺座枱嘅宣传牌，4款心水菜式其实晌「热门推介」餐牌都有列出嚟，但经佢咁讲一讲，会唔会令你都拣呢几款菜呢（利申：我唔喺佢「粉丝」）？
餐牌内页，仲介绍埋佢哋有做到会、饭盒、盆菜、添，真喺估唔到，可以讲喺做得积极。
日式杂锦刺生拼盘 $188其中一位友人本身唔食得鱼生，因为赐胃唔受得，不过，素刺身就相对无问题啦，故此来一客大家过过口瘾。一客共有6款刺身，每款有4片，仲配埋姜片，兼且摆得靓仔，而啲刺身都做得似模似样架，有三文鱼、吞拿鱼、鲍片、油甘鱼……等等，不过，口感与味道就似乎无咩分别喇，哈哈！
芫荽麻香黄金糖心皮蛋 $28晌推介中仲拣多一款冷盘试试，就喺呢碟黄金糖心皮蛋，卖相晶莹，原来「麻香」喺指花椒嘅麻，并非麻油嘅麻，不过，花椒落得唔多，只喺点到即止，唔会好有麻痹感。
原盅黄耳素翅炖椰皇 $38 / 客两道「冷盘」之后，来一客炖汤暖暖胃就最好不过。原盅炖，上枱时非常热辣，虽然喺素汤，入口味道一啲都唔寡，比预期浓郁、清甜，再者，捞两捞，着实有好多料，临尾当然唔好错过啲椰皇肉啦，不愧「志云」推介。
原盅黄耳素翅炖椰皇
$38
19 浏览
0 赞好
0 留言
法式牛油果焗多士 $17 / 件食西餐饮汤大多数都配面包，我哋都一样，不过衬中汤，却喺配法包。哗！原来件法式牛油果焗多士咁大件，仲加上咁多芝士上面，总之两个人「些牙」一件都够啦。多士焗得脆身，喺嫌牛油果唔够多啫，温提一下，每件卖$17，要最少两件起。
秘秘制蜜汁叉烧（配荷叶包4件） $68以前食素都好钟意点斋卤味，而呢套秘制蜜汁叉烧配荷叶包喺推介茶之一，唔单话啲叉烧做得似，而口感及味道嘅像真度都极高，唔讲都有错觉以为食紧叉烧哩！将热辣辣、软绵绵嘅荷叶包夹住青瓜、素叉烧，的确一流。
秘制蜜汁叉烧（配荷叶包4件）
$68
34 浏览
0 赞好
0 留言
招牌雀巢三色骨 $188热盘我哋就选上呢道三色骨，贪其一个价，就试到3种唔同味道嘅素排骨，话就话排骨，当然喺无骨啦，都喺啲黄豆做嘅面根之类。三色分别指配陈皮盐，士多啤梨酱及沙拉酱，虽然后两者酸香醒胃，但前者洒下陈皮盐之类，特别有个性，尤其衬以简单酥炸，佐酒一流。喂，呢度真喺有素啤酒卖架！
招牌雀巢三色骨
$188
52 浏览
0 赞好
0 留言
情迷脆豆腐 $38「蔬菜类」（其实呢度样样菜式广义嚟讲都喺蔬菜类，）先选上「志云」推介嘅情迷脆豆腐，唔知点解加个「情迷」二字，然而，炸得酥脆，香口而不腻，跟甜酸嘅泰式酱汁，更加无半点油腻感。
清炒高丽菜 $78另一道清炒时蔬今日喺高丽菜，呢个喺台湾𠮶边叫法，查实即喺椰菜，炒得几爽口，而菜本身确喺好清甜。
即磨腰果露 $48 / 盅最好以糖水作结，好让餐饭有个甜蜜嘅结束。腰果露除一盅盅外，亦有一窝咁叫（$108），不过，一盅都够两个人共享，而个腰果露打得柔滑，充满腰果香，正呀！
虽然我哋叫咗唔少菜式，但实在好食，大家都能将所有嘢一「素」而空，唔嘥嘢喺有衣食嘛！此外，服务几唔错，餐厅有空间感，让大家有个称心嘅晚上。
张贴
