老長沙湘菜館 (已結業)

位于佐敦吴松街的老长沙湘菜馆系新开的第四间分店。平时都比较少食湘菜，梗系要食下正宗嘅味道啦。我同朋友都俾佢菜单上的quote 吸引住 「男人的 加油站 女人的幸福湾」麻辣鱼皮爽脆嘅鱼皮，口感好弹牙。麻辣嘅香味令到本身无咩味道嘅鱼皮好惹味，蒜头，花椒，辣椒，香葱同芫茜嘅比例都好平衡，唔会太抢左鱼皮嘅角色。农家小炒肉好有炉气风味嘅一道小炒，炒猪肉之余仲有炸油渣！香味增加立即100倍，椒嘅籽刮得好清，所以可以食到椒本身嘅甜味，所以成道菜猪油嘅香，猪肉嘅爽，椒嘅甜都食到爆炒腰花炒猪腰今时今日真系唔系度度都有得食，通常都净系得猪肠同猪润。猪腰炒落真系好食好多，同埋佢旧都尽显刀功，切得一格格好幼细咁，食起上嚟赏心悦目。大盘有机花菜类似椰菜花咁，但食落口感似西兰花多d, 夹埋啲猪腩肉碎一齐炒，多左一阵猪油嘅香，同埋一碟都菜都几大碟，好抵食。干锅鸡呢个就更加系饮啤酒就一流，麻烦够哂刺激，鸡件斩得细细一旧旧，可以慢慢一路饮啤酒一路慢慢食，食极都仲有，酱汁用嚟捞饭更加系绝配，建议一定要叫多几个饭。