小白鷺餐廳 (已結業)

佛诞公众假期又撞上我女友生日，佢话要对住湖景烧野食，听过朋友介绍就book左小白鹭呢个天台BBQ，一齐对住个湖庆祝下啦～上到天台就有工作人员帮手开炉，都系Buffet任食，食物种类都算多，有成差不多三十款任吃，有牛扒、金沙骨、猪颈肉，汉堡扖、海鲜有虾、多春鱼、青口同鱿鱼，菜类有冬菇、翠肉瓜、南瓜、茄子、沙律都有！西冷牛扖实在劲大块，可以切番细件D，食唔晒好浪费！一定要劲赞猪颈肉，腌得好入味又爽口，一D都唔肥腻啊！越吃越想吃～用锡纸包住甜蕃薯同玉米加牛油，罪恶得黎又真系好好味！呢度仲可以比客人自带食物，我地就带左BBQ指定搞作---烧棉花糖啦~呢个场有好大个帐篷，唔怕淋雨又唔怕太阳啊！凉凉地天气最适合烧烤啦~个湖景真系好好view啊！地方好企理，食物干净卫生，坐得舒服，唔似大尾笃个D烧烤场咁鬼迫咁多人，烧得一身大汗咁辛苦，一百几十蚊任食仲有一罐饮品送，唔系最抵但算唔错，原来天台呢个场可以容纳三百人，下次叫埋公司同事一齐来包场！