湘聚漁樂圈 (已結業)

今日同爸爸喺铜锣湾办完年货，去一出地铁站就到的京都广场揾食。咁大个人好少食湖南菜，爸爸一眼就睇到上面有间个名几得意的湘菜馆，叫「湘聚渔乐圈」听说只系开了一个月，人不算太多。价钱唔算平，不过都系一般中菜的价钱花生好有以前上酒楼的感觉！鸡汁脆笋简单系鸡汤系衬托下，芛丝切成一条条。简单加上少少猪肉丝，清清地。小炒王用左青辣椒炒，越食越刺激。无返咁上下功力实在顶唔顺，唔食得辣的人建议唔好叫。柠檬酸菜鱼先呷一口汤，热辣辣，多得厨师最后淋上滚油！不太酸不太呛，味道恰恰好！鱼用上鲈鱼，加一百元可以改做贵花鱼！鲈鱼好滑，已去骨，而且好新鲜。入面仲有大豆芽和薯粉，不过薯粉有欠烟韧，看来煮过龙了。酸菜煲到出哂味，所以尝不到真正的味道。最后加番一碗白饭，够哂满足。初尝湘菜，幸好爸爸也十分满意。