湘聚小廚

营业中

休息中

朋友介绍西环有间劲隐蔽嘅湘菜馆，一心想食辣嘅我系书展放工后即刻冲去试！餐厅地址劲隐蔽，系巷仔转入去再转入去，唔系有指示牌嘅都几难揾到。餐厅分两层，地下岩一大班朋友吹水庆祝之类嘅热闹聚会，楼上就静静地岩一家大细或者三五知己倾下计食下饭。老板带上地去楼上座低，环境都几舒服。e到嘅菜式好有大陆感觉，店员讲普通话劲流利，都有好多讲普通话嘅客人帮衬，系wechat po相仲有九折。麻辣鸡煲份量唔多，鸡件先炒香左小小㶶㶶地再煮鸡煲。鸡肉好入味，加左好多唔同嘅香料去煮，好好食水煮牛肉。啲辣椒铺晒系面好夸张，下面有好多牛肉同大豆芽。睇落好似好辣咁，但食落又唔辣，反而系咸多小小。食到好香嘅辣椒籽味，牛肉几嫩，唔太老，芽菜都好入味。想恰鱿鱼，系铁板炒鱿鱼嘅方式。除左有洋葱、辣椒之外仲食到有豆鼓味，鱿鱼好爽口，下面摆左火盆烧得好热，鱿鱼keep住热身，唔会冻左太油。e到有大陆经常都见到嘅椰子汁，细细罐系大陆嘅感觉。店员好热情又有礼貌，上菜速度都好快。