栢檔去骨海南雞飯 (已結業)

原本同朋友想去佐敦食果间好出名的咖哩店, 去到见到好多人, 又见到d位劲逼, 即闪, 其实, 香港的食店通常都系咁, 可能系贵租的关系吧!行多两步, 见到此店, 又有位, 一于入去试下!D位都逼逼地, 好彩我地两个人坐左一张四人台, 地方都几唔干净, 地面好滑, 收碗碟的桶又放在店中心, 都几唔卫生, 真系要改善下, 唔系几好食都无用我地每人叫左一个大的海南鸡饭套餐, 呢个餐包埋一碗汤.....呢个汤足料, 味浓, 好甜好好饮, 应该无咩味精, 好有屋企老火汤的味道, 大赞!!鸡都几滑, 不过鸡味比较淡, 至于个鸡油饭, 真系淡左D, 无咩味, 唔够香口, 严格黎讲, 好难称得上做海南鸡饭专家!个酱汁都系一般, 甜酸酱唔够酸, 不过个姜葱都几特别, 系两样野搞到烂晒, 入口感觉都好!我地仲叫左个油菜, 不提也吧, 只系"卓"熟加蚝油, 菜又老又实可能用个汤送饭仲会有惊喜!