譚仔雲南米線 (北帝街)

营业中

休息中

譚仔大家都唔陌生，其實我個人比較喜歡食三哥譚仔多一點。但係譚仔嘅小食就比三哥譚仔更多，所以偶爾都會想食譚仔。今日叫咗酸菜、芽菜、腐皮，湯底就揀清湯，因為叫咗一個小食係辣豬肚絲，費事個湯底都咁辣，頂唔順。個湯唔夠熱, 冇出煙, 係比較暖熱。我覺得佢嘅酸菜太甜啦，如果甜到可以減返啲，嗰個酸味重返少少，就會比較好食啲，而家好似食緊一舊好甜嘅甜品之類等等。咁芽菜同腐皮都冇乜特別啦，都係烚出嚟。佢個份量都正常嘅。嗰個香辣豬肚絲，我係幾鍾意食，佢將個豬肚切到好細條，口感好好，入口到好容易，辣到亦都適中，唔會太勒，嗰種辣比較香！不過呢間既人手真係好唔夠, 見到得一個員工做收錢, 落單等等, 根本就唔夠人手。其實都仲見到第2個, 但佢出左黎一陣就唔見左。