一生懸麵

营业中

休息中

收工一个人晚餐，揾咗呢间口碑不错嘅拉面店（肥髀唔好拉面，一个人先可以食）去到商场一个开放式拉面店，长窄店面，因为门面太长，一边放了几张椅子，有一对情侣坐在椅上，问咗佢哋坐系度排队嘅，咁我咪坐在佢哋后面！呢个时候有另一对情侣到，佢哋无视我哋就入座，我咪起身揾店员，佢见到我问我几多位，我讲一位，佢带我入高脚椅对厨房位坐低，再用少少训话语气同我讲要出声揾佢哋先，但我留意之后到嘅客人都自动去𠮶几张椅子度排队，店员又无训话佢哋！好难理解！入座枱面窄，放晒餐具同调味料，每个位有点餐纸，落好单就等！白汤豚骨拉面🍜（$68）卖相ok，半只溏心蛋嫩滑，蛋黄系我喜欢嘅浆口状态，蛋味浓！紫菜几香，叉烧两片，唔系圈状，似切腩片，偏瘦唔会嚡，几好味，荀片已渌到淋晒，无咗咬口，差，葱片爽脆清甜，但幼面太淋无咬口（我选普通硬度）汤又太浓太浆，幼面挂汤又多，最后只食到2/3，好少会食唔晒啲面（咸到要饮好多水！烧饺子🥟（$25）卖相不错，但咬落外皮系薄身好脆硬，馅料菜同猪肉，唔干有肉汁，点嘅醋汁清爽，解腻一流，但皮完全炸到硬，欠缺烟韧口感！一般讲真拉面系失望嘅！汤太咸了！好少会食唔晒啲面女店员除入座时有点怪责我唔知规矩