瓊媽媽 (皇后大道東)

营业中

休息中

今日突然想食海南鸡，平时食开间餐厅full左，去左隔离街想食返之前劲好食𠮶间海南鸡先知佢执左，唯有食琼妈妈。点解用唯有呢，系因为几年前食过一次，觉得佢啲鸡肉肉质好差，之后都无再食，但系得一个钟食饭执唔到揾第二间喇，唯有俾多次机会琼妈妈啦。懒人唔想食骨所以都系叫左无骨海南鸡，拣左菜饭好似好健康。卖相唔差架，份量都好足，可惜既系佢既鸡肉肉质好差，完全唔滑，又鞋又难咬，同几伟前一鬼样，个鸡肉痴牙，仲搞到流牙血！以后唔会再食！不过呢，讲味道，鸡味都还好，个菜饭其实唔错，又健康，另外个汤更加想赞，好甜好好味，饮完无口干！为左个汤同菜饭，应该下次再试下其他𩠌。海南鸡就不了！