水鴨朱椰子雞 (已結業)

3人行，见网上介绍，觉得用椰子尼做汤底几特别，所以去试下！等个汤滚左会有专人帮手落鸡，然后再等个鸡熟埋熄火计时焗10分钟食得！即刻试下个汤，好清新，淡淡既椰子味，觉得可以再浓d就正啦！不过本人都几中意既！叫左一只鸡，之后再叫左手切牛肉（细）、竹苼、脆鲩鱼片（有点失望，觉得被骗，因为唔系脆鲩只系普通鲩鱼）、莴荀、贡丸、芝心丸（麻麻地果种）...再一支生啤加一支加多宝。其实整体上火锅食物都冇咩特别，都系平平无奇，不过环境唔错，唔会好杂，够干净，空间足够，觉得坐得好舒服，食得亦舒服！最值得赞扬既系服务，真心觉得服务好既！最后再每人叫左个椰子冻试下，都系觉得椰味比较淡，如果系椰奶冻就正啦！食完每人$330，算唔算贵见人见志，本人觉得还可以啦，我地都算叫得多野食，同埋睇埋服务同环境既话呢个价系值既。