連文記冰室

营业中

休息中

其实同同事嚟帮衬不下十次，次次都系食汤米线，汤底系唔错，份量足。今次因为天气凉咗嘅关系就点咗个胡椒猪肚鸡米线。份量超大，有成四份一只鸡，鸡皮唔太厚同肥，鸡肉略嫌有啲啲嚡，鸡肉味浓。大量酸菜，唔太酸或甜。猪肚都有6-7件，质地唔会太淋亦唔靭，味香唔似食橡胶，算系咁。不过最强同重点就系个胡椒汤底，清香而味浓，浓浓胡椒味又唔会太辣，配上酸菜嘅味道系会一啖一啖唔停咁饮尽个汤为止。其实仲有酸菜鱼、花胶鸡，虽然我未试过，相信我会去试匀佢啲出名汤底。价钱方面普通米线系正常，其他汤底个价钱会高啲，不过系值得一试！