有間麻辣燙

营业中

休息中

有间麻辣烫位于Eastmark，喺享乐烘焙既楼上。呢间麻辣烫比起出边一般麻辣烫更加多汤底选择！入到去先攞个筲箕，再去自选区度拣配料同面底。拣完就可以去磅重拣汤底同饮品，之后就可以去酱料区调配自己钟意既酱汁，就可以坐定定等食啦。🤤呢度既汤底分别有四款，分别系牛骨汤底、藤椒汤底、蕃茄汤底同菇菇汤底。而今次我哋试咗藤椒汤底同小辣既牛骨汤底。藤椒汤底已经定咗辣度，汤唔会话好辣，系微微香辣既味道加上少少麻麻哋既感觉。而牛骨汤底可以选大中小辣，今次就试咗小辣，呢个汤既麻辣味更加突出，亦品尝到牛骨既鲜味！我哋拣咗既公仔面索满晒麻辣汤既香味，正啊！😋听店员讲佢哋既配料都系新鲜送到，当日使用！配料特别推介鸡肾同鱼饼😗食得出当日啲蔬菜都几新鲜。呢度除咗有唔同种类既支装同包装饮品，亦都有爆打柠檬茶等等。