孖寶越南湯河

营业中

休息中

又系一个满街死寂嘅下昼，今次嚟到柯士甸路觅食，见到相隔几个舖位有两间新开嘅两𩠌饭，一间叫户户𩠌一间叫密密𩠌🤣，应该系同一个老板开。睇嚟喺咁经济低迷嘅情况下，可能只有呢啲舖头先做得住😥。孖宝越南汤河店面好细，好彩帮衬嘅时候仲有其他食客，仲有一啲外卖单🙏。今次反璞归真，叫咗越式生牛肉汤河粉。呢碗粉最大嘅惊喜肯定系个汤底，鲜甜到不得了😍，估计用牛骨淆咗好耐，我又系饮到一滴不剩，之后仲成日冇扯水，证明冇乜落味精，劲👍。至于牛肉同河粉都系水准之上，前者够肉味，后者滑溜之余又唔会碎湿湿。叫多杯蜂蜜生姜茶，虽然细细杯，但都落咗唔少姜丝，够足料。